نكت روعة بالدارجة المغربية

-بخيل واقف فى البلكون... ولدو جاى من بعيد و يعيط عليه بابا بابا بابا ... قالو:
يا ولد الكلب بابا وحده تكفي.

2-بخيل دا ولدو معاه للحانوت، اخذ الولد حلوى وشيكولة قالو باباه
بوسهم ورجعهم.

3-مرة
بخيل رايح يموت و ولادو معاه في البيت عيط عليهم بالواحد محمد قالو راني
هنا , و خوك عيسى قالو راهو هنا و محمود ردلو وهو يبكي راني هنا بابا

قالهم باباهم : حيوانات هادو واشكون لي فالحانوت.

4-مرة زوج مشحاحين قدقد و هوما يمشيو قال واحد للاخر : و الله الزهر يا صاحبي ما عندناش

قالو صاحبو : علاش

الصيدلية لي حدانا مدايرة تخفيضات و حنا ماناش مراض.

5-مرة عجوزه راحت للغابه شافها الاسد قالتلو لا تاكلني ؟قالها ما تخافيش ما ناكلش المقرمشين.

6-مرة واحد تقابض مع باباه ظربو خرج برة و اكتب في الباب هنا مقر طالبان

7-مهابل حطلهم الطبيب اغنية ناضو كامل يشطحو غير واحد راح سقساه الطبيب : علاش ما قاعد انت

قالو: انا هو العروسة

8-مره عجوزة عندها 80 سنه لقات مصباح سحري طلع لها الجنى
طلبت منو يصغرها 30 سنه بقى عندها 50 سنه وطلبت منو يصغرها 20 سنه
بقى عندها 30 سنه طلبت منو يصغرها 10 سنين بقى عندها 20سنه طلبت منو
يصغرها 10 سنين دارتلها الحصبه ماتت

9-كلب شوارع عدا حدى لابوليس شاف كلب بوليسي قال آه كن كملت
قرايتي

10-ثلاثة اندال اتفقوا يشوفوا شكون اكثر نداله الاول شاف راجل عجوز
حكملو يدو و خلاه في نص تاع الطريق والثاني راح ضربو
الثالث ضحك وقال انا اكثر نداله الراجل هادا راهو بابا

11- مرة قائد فى الجيش قدامو أربع صفوف تاع الجنود ....واحد
من الجنود عطس..القائد سأل أول صف شكون اللى عطس واحد ما دار عليه
قتلهم كامل
سأل الصف الثانى شكون اللى عطس واحد ما دارعليه .. زاد قتلهم كامل راح
للصف الثالث واحد خاف و قالو انا اللى عطست يا كابيتان...قالو
القائد يرحمك الله

12-مرة طفل سالوه المحققين : علاه قتلت باباك
الطفل : دارو رحلة للأيتام
المحققين : و علاه قتلت عمك ؟
الطفل : كنت محوس ولد عمى يروح معايا
المحققين : و علاه كنت محوس تنتحر
الطفل : علا خاطر لغاو الرحلة

13-مرة زوج ماشيين ف الغابة... خرجلهم اسد... راح واحد منهم رمي عليه
حجرة و هرب يجرىىىىىى... شاف وراه لقي صاحبو واقف ما يجريش... قالو
اهرب يا حمار؟ قالو و علاه نهرب ؟ انا اللي ضربتو؟؟؟؟؟

14-مرة واحد مدلل, دخلوه ولديه للعسكر , سأله القائد : شي دير كن تقابل العدو
... قالو : نرمي السلاح في وجهو و نقولو نكرهك

15-واحد
ركب في الكار شاف وحده قاعده شاف معاه شافت معاه , ضحكلها ضحكتلو غمزلها
غمزتلو شرلها على المحطه , نزلت ....راح قعد في بلاصتها

16-مرة واحد ماريكاني جا للجزاير دار حادث داه واحد حطيست للمستشفى و تبرعلو بالدم

وراها بثلاث ايام روح لمار يكاني لبلادو كي راح الوزير تاع الخارجية يشوفو في نيو يورك

لقاه متكي على الحيط و يتكيف في قارو زطلة و يقول و الله ما هي بلاد

17-مرة وحده شرات موبايل من ورا زوجها
حبت تخليهالو مفاجأه
دخلت الحمام وإتصلت فيه
وقالتلو الو حياتي
قالها إتصلي مبعد البقره في الحمام

18-واحد
دخل للقهوة وقال للقهواجي: عندك قهوة باردة؟ يقولو: لا , زاد جاه غدوة
وقالو كيما المرة اللولة ورد عليه:لا, وعاد كل يوم يقولو: عندك قهوة
باردة؟ واحد النهار قال القهواجي: والله نوجّدلو قهوة باردة قبل ما يجي,
ومبعد ساعة جا الزبون وقال: عندك قهوة باردة؟ قالو: نعم, قال: سخّنها
وجيبهالي

19-في
ليلة كان ربعة من ليجون يتمحششوا {{{يزطلوا ]}}}ورا باطيمة{{{عمارة}}}وبعد
مدة خلصلهم الكبريت, فبعتوا واحد منهم يطلب, مالا راح دار على لباطيما
ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا
واحد يجيب

20-وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

اقرا و اخرج ا تضع ردا

» نكت المتزوجين روعة !